ہائی بلڈ پریشر سے دل کی شریانیں سخت ہوجاتی ہیں، ہائی بلڈ پریشر فالج، گردوں کی بیماری اوربہت سی دوسری بیماریوں کا بھی باعث بن سکتا ہے۔

 

ماہرین کا کہنا ہے کہ ہائی بلڈ پریشر کو ایک ’خاموش قاتل‘ کے طور پر لیا جاتا ہے کیونکہ یہ بیماری ایسی ہے جو محسوس نہیں ہوتی ہے، ہائی بلڈ پریشر مجموعی صحت پر بڑے پیمانے پر منفی اثر ڈالتا ہے، اس لیے اسکے اسباب کا پتہ لگانا ضروری ہوتا ہے تاکہ قبل از وقت احتیاطی تدابیر سے اس کو روکا جا سکے۔

 

ہائی بلڈ پریشر کے اسباب کی مختلف اقسام ہیں جس میں پرائمری ہائپرٹینشن، سیکنڈری ہائپرٹینشن اور اچانک ہائی بلڈ پریشر شامل ہے، ہائی بلڈ پریشر کا جب کوئی واضح متعلقہ سبب نہ ہو تو اسے پرائمری ہائپرٹینشن کہا جاتا ہے۔

 

اس میں درج ذیل اسباب شامل ہوتے ہیں، ناکافی ورزش، شراب نوشی، ہائی بلڈ پریشر کی خاندانی تاریخ، عمر رسیدہ ہونا، موٹاپا، ذیابیطس، تناؤ، پوٹاشیم ،کیلشیم اورمیگنیشیم کی کمی، جسمانی سرگرمی کی کمی وغیرہ شامل ہیں۔

 

اسی طرح کچھ طبی مسائل کی وجہ سے بلڈ پریشر کی سطح بڑھ جاتی ہے، اس میں گردے کی بیماری، ایڈرینل عوارض، تائرواڈ کی خرابی، پیدائشی دل کی خرابیاں، اسقاط حمل کی گولیاں، کھانسی، نزلہ، اور درد کو دور کرنے والی ادویات جیسی وجوہات شامل ہیں۔

 

طبی ماہرین کا کہنا ہے کہ کچھ دوائیں خون کی نالیوں کو تنگ کر سکتی ہیں جس سے دل کے لیے خون پمپ کرنا مشکل ہو جاتا ہے، ان میں غیر قانونی منشیات، حمل شامل ہیں۔

 

کچھ حالتیں ایسی بھی پیش آتی ہیں جن میں بلڈ پریشر کی سطح اچانک بلند ہوجاتی ہے، ایسی حالتوں میں سانس لینے میں دشواری، تیز دل کی دھڑکن، گھبراہٹ، سر درد، چکر آنا، متلی، بولنے میں دشواری، بینائی کے مسائل، ناک سے خون بہنا شامل ہیں۔